martedì 22 marzo 2011

Io vulesse truvà pace

Propongo ai miei cinque lettori questa bella poesia di Eduardo De Filippo, intellettuale napoletano unanimemente riconosciuto come uno dei  più  grandi attori di teatro d' Europa.

Io vulesse truvà pace;
ma na pace senza morte.
Una, mmieze'a tanta porte,
s'arapesse pe' campa'!
S'arapesse na matina,
na matin' 'e primavera,
e arrivasse fin' 'a sera
senza dì: 'nzerràte llà!
Senza sentere cchiù 'a ggente
ca te dice: io faccio...,io dico,
senza sentere l'amico
ca te vene a cunziglia'.
Senza senter' 'a famiglia
ca te dice: Ma ch' 'e fatto?
Senza scennere cchiù a patto
c' 'a cuscienza e 'a dignita'.
Senza leggere 'o giurnale...
'a nutizia impressionante,
ch'è nu guaio pe' tutte quante
e nun tiene che ce fa'.
Senza sentere 'o duttore
ca te spiega a malatia..
'a ricett' in farmacia...
l'onorario ch' 'e 'a pava'.
Senza sentere stu core
ca te parla 'e Cuncettina,
Rita, Brigida, Nannina... Chesta sì...Chell'ata no.
Pecchè, insomma, si vuo' pace
e nun sentere cchiu' niente,
'e 'a spera' ca sulamente
ven' 'a morte a te piglia'?
Io vulesse truva' pace
ma na pace senza morte.
Una, mmiez' 'a tanta porte
s'arapesse pe' campa'!
S'arapesse na matina,
na matin' 'e primavera,
e arrivasse fin' 'a sera
senza di': nzerràte lla'!



 Per chi volesse ascoltare la poesia recitata dal suo autore:
http://www.youtube.com/watch?v=q2cI1WZjqG8

Nessun commento:

Posta un commento